最近， 趙露思 好忙啵
(資料圖)
啱啱幫《后浪》做完宣推
小甜劇《偷偷藏不住》
又上線了！
呢部劇喺仲播出之前
就真係“藏不住”啦
選角爭議上熱搜
路透相片滿天飛
未播先火、熱度超高
喺呢部劇中
趙露思同陳哲遠上演 暗戀故事
可愛甜美嘅“細細粒” 桑稚
帥氣溫柔嘅大哥哥 段嘉許
兩人間嘅互動甜到漏
劇迷紛紛上線磕糖
化身“ 純愛戰神”
佢哋仲重新定義“小學生”
表達自己對劇中純潔愛情嘅激動
為甜蜜愛情瘋狂心動
現有劇情就講到
桑稚從 初中高中到大學
對親哥哥嘅同學段嘉許
從有好感到產生感情嘅過程
趙露思演嘅桑稚古靈精怪
奶甜可愛嘅聲音搭上鬼馬小表情
似嗮 情竇初開嘅小女孩
俾劇迷大贊 “眼神都是戲”
桑稚睇親大佬嘅嫌棄
vs睇段嘉許嘅愛慕
眼神就已經 零舍唔同
陳哲遠扮演嘅段嘉許
真係干凈又陽光
同原著中角色匹配度極高
網友評價“讓段嘉許有了臉”
其實段嘉許嘅家庭非常不幸
但當面對桑稚時
佢會藏住內心嘅負面情緒
永遠係上進、溫暖嘅樣子
陳哲遠對唔同感情之間嘅轉變
處理的得好自然
作為男女主角
二人嘅感情路幾反復嘎~
兩人之間開始以“兄妹”相稱
相處機會多就開始有暗戀情愫
↓ ↓ ↓
段嘉許陪桑稚補作業時
佢會把幫桑稚買嘅牛奶
貼到桑稚面上
而桑稚亦都把牛奶
好寶貝咁收起身
呢段感情仲未發展成愛情
就俾“飛機場名場面”打斷
桑稚去 揾 段嘉許
見到段嘉許嘅“女朋友”
高中嘅桑稚對段嘉許嘅感情
又再次變翻兄妹感情
睇到桑稚心灰意冷
翻到哥哥身邊大哭嘅場面
劇迷直呼好心疼
喺最新嘅劇集中
上咗大學嘅桑稚
去到段嘉許工作生活嘅城市
兩人再次重逢
段嘉許因闌尾炎入院
桑稚送去醫院過程中
急到凼凼轉
點知唔小心撞入段嘉許懷中
而喺醫院度
桑稚照顧段嘉許嘅過程中
兩人之間嘅粉色泡泡直冒
啱啱見面感情就快速升溫
應該離喺埋一起唔遠啦
作為一部甜寵劇
大家都以為只係
睇下俊男美女談 戀愛
但偏偏這部劇話題多多
連主角、配角嘅互動
就要比劇情仲要精彩
首先有爭議嘅就係大學生同高中生之間的情愫
會唔會有失分寸？
劇情中都有做正向引導
例如段嘉許 面對桑稚 嘅偏科
會帶佢去科學館
感受物理嘅魅力
當桑稚編出個網友拍拖時
段嘉許會“威脅”佢
好好學習唔好早戀
最令人諗唔到嘅係
比主角仲要圈粉嘅竟然
係演桑稚哥哥桑延嘅 馬伯騫
開播后演技評價逆轉
開播前佢都已經上熱搜的了
不過原因係 氣質唔符合角色
但開播后 中二搞笑男嘅形象
反而網友夸贊
係劇中最自然嘅角色
兄妹互懟嘅 劇情亦都成為亮點
幫妹妹輔導作業時
佢哋兩兄妹之間嘅嘈嘈吵吵
讓好多人都有共鳴
邊有人輔導作業唔想發嬲噶
但自己嘅妹妹就只能自己鬧
絕對唔容許人哋蝦妹妹
“ 寵妹 狂 魔 ”令人好羨慕桑稚
喺劇中桑延家境優渥
性格搞怪但為人善良
其實，馬伯騫扮演桑延
幾乎就係本色出演
馬伯騫 嘅爸爸
係著名建筑師馬清運
央視“大褲衩”等建筑
都係出自佢手
馬伯騫可謂 名副其實 嘅 “富二代”
參加《明日之子》出道后
馬伯騫 喺娛樂圈摸爬滾打
不斷參加舞臺演出
一直都追求突破
最新一季《披荊斬棘的哥哥》嘅
網傳選手名單中
都有馬伯騫嘅身影
喺劇度仲有好多熟面孔
曾黎同趙露思
繼《星漢燦爛》后
這次再續“母女情緣”
喺《星漢燦爛》度
曾黎扮演嘅媽媽對自己嘅女
嚴厲又苛刻
導致母女關系緊張
呢次嘅再演趙露思媽媽
終于有機會補返曬母愛
《偷偷藏不住》還在熱播
后面仲有含糖量更高的劇情
快啲嚟 睇睇小甜劇
見證更多心動時刻啦
素材來源： 微博、劇照、豆瓣等
網絡綜合整理 編輯：黃譯萱
審核：曾敏妍
簽發：駱蘋
掃描下方二維碼訂閱 【微店】可樂生活小店 【淘寶】羊晚生活館 【郵政】中國郵政微郵局 ▼>>>
一次過get可樂 報詳細內容
羊城晚報報業集團旗下的粵語生活類報紙，廣東省唯一一份粵語刊物。 廣州至潮至IN的吃喝玩樂，灣區潮流資訊風向，統統喺曬度！
官方微信號：靚仔可樂君（handsomecolor）
關鍵詞：
責任編輯：Rex_27
